Sábado de Entroido na AAVV O Castelo de Narahío

A Asociación veciñal “O Castelo de Narahío” volve organizar o seu tradicional entroido este sábado con dúas partes ben diferenzadas: unha de tarde pensada para os nenos e nenas –e tamén para papás e mamás– e outra pola noite para persoas adultas.

Así, a sesión infantil-familiar estará animada por La Guagua, a partir das 18:00 horas, mentres que pola noite tomará o relevo o coñecido showman, cantante e picadiscos Dani Ríos, a partir das 23:00 horas. A él tocaralle mover as máscaras nun espectáculo que sae do convencional baile de entroido. Ademais tamén haberá desfile de disfraces con premios para os mellores e o sorteo dunha cesta con produtos típicos desta época.