Triunfo de Melina Alonso e prata ao sprint para Marcos Ruiz no Dúatlon de Lugo

O Triatlón Ferrol rematou o Dúatlon de Lugo coa vitoria de Melina Alonso, un apertado segundo posto de Marcos Ruiz e o bronce na clasificación por clubs.

Xogándoo todo a un sprint final duns 500 metros, o junior Marcos Ruiz conseguiu o subcampionato dunha esixente proba. Tras del, nun amplo pelotón perseguidor, o cadete Juan Rejas entrou en 13º posición, o que lle dá clasificación directa para o campionato galego da especialidade.

Sumando os tempos dos canteiráns co de Juanchi González, o Triatlón Ferrol encadea a terceira semana consecutiva no podio sendo o terceiro mellor club da xornada.

Pola súa banda, Melina Alonso agardou ao ciclismo para soltar ás súas rivais e así non deixar dúbida desde o último sector a pé de que sería a vencedora do Dúatlon de Lugo.

Completaron a participación do equipo departamental Marcos Caneiro – 33-, Carlos Cándamo –34-, Alberto Caneiro –45– e Iván Gómez –89-.

O Dúatlon Cidade de Lugo tivo lugar este domingo nun circuíto de 5 km de carreira a pé, 20 km de ciclismo e 2,5 km de carreira finais.