Galicia Ártabra Digital Noticias de Ferrol y la comarca de Ferrolterra.
O concelleiro de Emprego e Promoción Económica, Álvaro Montes, participou este mércores da entrega de premios de Ultramar Village, que agrupa os hostaleiros e comerciantes do barrio, aos mellores escaparates e as mellores tapas do ano 2016.
Son os premios de dous certames I Concurso de Escaparatismo ‘Escaparate Ultramar‘, e IV Concurso gastronómico ‘TapAtí’, que se desenvolveron en abril e agosto co apoio do Concello de Ferrol, a través de Promoción Económica.
No certame de escaparates, participaron 9 establecementos e o primeiro lugar foi para Federópticos Begoña Lorenzo. O segundo lugar foi ocupado por Nattex Ferrol e completou o podio AK Anukas Beleza e Sol. Moi preto, pero xa fóra dos tres primeiros postos, quedou Lía Complementos.
Na IV edición do certame de tapas, do 26 ao 28 de agosto, participaron 13 establecementos de hostalería. O requisito era que o ingrediente fundamental da tapa tiña que ser o mexillón cociñado de calquera forma que non fose ao vapor. O xurado acordou que o primeiro posto fose a mans de Nuevo Pisani, polo seu ‘Mexillón con espuma de mar’.
En segundo lugar quedou Puro Gusto, con ‘Guabao de mexillóns en alta mar’, seguido de Mesón A Cafurnada, con ‘Tartar de mexillóns e tomate sobre tosta de pan de pasas e noces’.
