Galicia Ártabra Digital Noticias de Ferrol y la comarca de Ferrolterra.
O alcalde accidental de Narón, Guillermo Sánchez Fojo, e a directora do IES As Telleiras, Irene Mira, asinaron o pasado venres un acordo de colaboración en materia de Educación e Formación. No acto, que tivo lugar no Concello, estivo tamén presente a edil de Formación e Novas Tecnoloxías, Natalia Hermida.
En virtude a este convenio, tal e como indicou Sánchez Fojo, «poderán desenvolverse os módulos profesionais asociados ao currículo de Formación Profesional Básica de Carpintería e Moble no Centro Municipal de Formación Irmás Froilaz, na Gándara». O alumnado do IES As Telleiras matriculado e admitido no citado título profesional básico será o beneficiario deste acordo e as actividades enmarcadas no mesmo desenvoranse ata o mes de xuño de 2017.
O Concello de Narón aporta as instalacións e os servizos necesarios, se ben o instituto achegará ao persoal docente e técnicos, contratos de seguros e outras actuacións, e comprométese a presentar o vindeiro ano unha memoria das actuacións desenvolvidas no marco deste acordo.
