Panorama Kids e Aventura Caninaactuarán esta fin de semana no Pazo da Cultura

O Padroado da Cultura de Narón ten á venda as últimas entradas dispoñibles para o espectáculo Panorama Kids que terá lugar este sábado 3 no Pazo da Cultura. Poden adquirirse a través da web de Ticketea ou na billeteira do Pazo a un prezo de 12 euros en venda anticipada e 14 o propio día da actuación. Este musical, dirixido ao público familiar, terá dous pases, un ás 18 horas e o último ás 20:30.

Os integrantes da orquestra Panorama, unha vintena de persoas, subiranse ao escenario para interpretar varios temas infantís, clásicos e outros de máis actualidade dirixidos ao público infantil. O show aposta tamén pola interactuación co público, o que sumado á calidade do musical e aos vistosos decorados farán deste espectáculo unha proposta da que gozarán tanto os menores como o público adulto.

Así mesmo, tamén están a venda na billeteira do Pazo as últimas cincuenta entradas para o musical Aventura Canina, que terá lugar o domingo, 4 de decembro, ás 17 horas. O prezo das entradas é de 12 euros en venda anticipada e de 14 o día da actuación. A compañía Tertulia Produccións trae a Narón esta proposta cultural, baseada na exitosa serie infantil La Patrulla Canina, no que non faltará a emoción e donde a música, a diversión e o xogo cobran un especial interese.

Lea también

Uns 350 escolares participan nos obradoiros de murais programados dende polo Concello de Narón en centros de ensino

Uns 350 escolares de once centros de ensino de Narón participan nos obradoiros de murais …