O Concello de Narón colocará mañá unha bandeira conmemorando o Día Nacional do Celíaco

O Concello de Narón conmemorará mañá venres o Día Nacional do Celíaco colocando unha bandeira co logo desa xornada na porta principal do Consistorio. Así o anunciou a edil de Acción Social, Catalina García, que recordou que o acto «responde a unha petición formulada a través da Asociación de Celíacos de Galicia (Acega) e impulsada pola Federación de Asociacións de Celíacos de España, que se pretende levar a cabo en todos os Concellos españois e á que xa se sumaron outros municipios de Ferrol e comarca».

A edil naronesa explicou que con este acto, desde o Consistorio naronés se pretende «dar maior visibilidade a esta enfermidade, un dos obxectivos que persegue a asociación, desde donde se ofrece tamén información dos síntomas para contribuír á pronta diagnose e á normalización da vida diaria das persoas celíacas».