Galicia Ártabra Digital Noticias de Ferrol y la comarca de Ferrolterra.
Un total de vinte e dous nenos de cinco anos do colexio Ponte de Xuvia desprazáronse esta mañá ata o Concello. Ás 10:30 horas foron recibidos polo alcalde, José Manuel Blanco, que conversou animadamente con eles no salón de plenso antes de entregarlles uns agasallos en recordo da súa visita.
O rexedor local respostou ás preguntas que lle formularon os menores, que acudiron acompañados por mestres do centro. Os nenos e nenas sentáronse no salón de plenos, nos espazos que habitualmente ocupan os concelleiros e concelleiras da corporación local durante os plenos e viron un video no que se explicaban varios asuntos relacionados coa administración local e sobre algunhas instalacións municipais.
