Galicia Ártabra Digital Noticias de Ferrol y la comarca de Ferrolterra.
O BNG de Ferrolterra alerta da inmediata suspensión do Servizo Galego de Apoio á Mobilidade persoal (Servizo de transporte adaptado 065), despois de coñerse que no procedemento de licitación do contrato, o pasado 13 de xaneiro o contrato fora declarado deserto, por non existir ofertas para a xestión do servizo.
A empresa ata agora encargada do servizo do transporte que garantía os desprazamentos programados (non urxentes) das persoas en situación de dependencia, discapacidade ou con problemas de mobilidade; ven de comunicarlle aos seus traballadores que o servizo será suspendido a partires do vindeiro 8 de marzo.
O BNG sinala que «A día de hoxe, lamentar que non se fixera unha comunicación aos usuarios/as do servizo así como a aquelas Entidades e Asociacións que traballan con afectados. Denunciar así pois a opacidade e falla de transparencia por parte da Xunta de Galiza nas intencións que ten ao respecto do servizo do 065.
A este tipo de comportamentos sumar tamén a nova perda de empregos nunha comarca na que contamos con máis dun 20% de tasa de desemprego; e onde o BNG na comarca ve na prestación de Servizos sociais un sector creador de empregos. Actualmente o servizo do 065 emprega a 14 persoas.
Desde o BNG lamentamos máis unha vez as políticas do PP na Xunta de Galiza; que de maneira eufemística se denominan como de Austeridade, Racionalización e Eficacia de Xestión; que non supoñen máis que un novo recorte, precarización ou mesmo o desmantelamento de servizos dentro do ámbito social e público»
Nese sentido, á vista da situación e o proceso que atravesa o servizo, o BNG preguntará no Parlamento galego a través da deputada nacionalista e responsábel da área de Servizos socias, Carme Adán.
