Galicia Ártabra Noticias de Ferrol y la comarca de Ferrolterra.
O director xeral de Maiores e Atención Sociosanitaria, Antón Acevedo, acompañado do alcalde de Ortigueira, Valentín Calvín, visitou o servizo de estimulación terapéutica para persoas con alzhéimer da Asociación de Familiares de Persoas con Alzhéimer de Ferrolterra (AFAL).
Durante o percorrido polas instalacións, o representante da Xunta de Galicia puido coñecer de primeira man o funcionamento dos talleres e as actividades que se desenvolven para frear a deterioración cognitiva e mellorar a autonomía dos usuarios. Ademais, aproveitou o encontro para intercambiar impresións cos profesionais do centro e cos propios familiares.
Na súa intervención, Acevedo puxo en valor o intenso traballo que realiza a entidade na comarca de Ferrolterra, destacándoa como un piar fundamental tanto na atención especializada aos doentes como no asesoramento e acompañamento integral ás súas familias.
