Neda proxectará na segunda quincena de outubro dúas películas do Ciclo nacional de cine e mulleres rurais

Casa da Cultura de Neda | foto Galicia Ártabra

Neda súmase por segundo ano consecutivo ao “Ciclo nacional de Cine y Mujeres Rurales”, que impulsa o Ministerio de Agricultura, Pesca e Alimentación. A novena edición desta iniciativa itinerante traerá á vila durante a segunda quincena de outubro dúas películas, que sitúan ás mulleres rurais no centro das súas historias, ofrecendo miradas anovadoras sobre a súa realidade cotiá.

O Concello aposta de novo polo cine para conmemorar o Día das mulleres rurais. E faino cunha proposta que, a través da sétima arte, convida a reflexionar sobre o papel vertebrador, social e económico que teñen as veciñas no mundo rural. A Casa da Cultura será o escenario para as proxeccións, previstas para o mércores 21 e o martes 27 de outubro, a partir das 20:00 horas.

“Lo que queda de ti”, escrita e dirixida por Gala Gracia, unha das novas voces do cine español, será o primeiro dos títulos dos que poderá desfrutar a veciñanza nedense. Unha cinta que xira ao redor do regreso ao lugar de orixe e a procura de novas formas de pertenza, cunha moza que deberá decidir entre unha fulgurante carreira como pianista de jazz ou o coidado dunha explotación gandeira herdada.

O martes seguinte será a quenda de “La buena letra”, de Celia Rico. Un filme ambientado na posguerra española, que se centra nas relación familiares e no papel das mulleres dentro dunha contorna onde moitos sacrificios queda ocultos tras a aparente normalidade.

Declaración institucional
En paralelo, o Concello de Neda vén de adherirse á declaración institucional da FEMP con motivo do 15 de outubro. Un texto que incide no compromiso das administracións locais de promover actuacións que recoñezan a aportación das mulleres rurais e reforcen e subliña a aposta por avanzar cara a igualdade real e efectiva de oportunidades entre mulleres e homes.

Lea también

La Sociedad Artística Ferrolana entrega el premio ‘Gregorio Baudot 2026’ al grupo ferrolano BÖJ

En el mismo evento se entregó el título de socio de Honor de la SAF …

Deja una respuesta

Tu dirección de correo electrónico no será publicada. Los campos obligatorios están marcados con *

Responsable: Galicia Artabra Comunicaciones, S.L. Finalidad: gestionar su comentario. Legitimación: su consentimiento. Derechos: acceso, rectificación, supresión y otros, según la política de privacidad.