Galicia Ártabra Noticias de Ferrol y la comarca de Ferrolterra.
A empresa encargada do mantemento de parques e xardíns de Ferrol levou a cabo este mércores a reubicación de varios bancos de pedra na praza de España.
A actuación ten como obxectivo crear novas zonas destinadas ao descanso e favorecer un uso máis cómodo e agradable deste espazo público por parte da cidadanía.
Os traballos permiten redistribuír os elementos de mobiliario urbano e habilitar diferentes puntos de estancia dentro da praza.
Esta actuación súmase ás recentes intervencións realizadas neste espazo público, como o repaso xeral a toda a superficie da praza e a prantación de novas flores, ademais da mellora do estado dos bancos de madeira.
