Galicia Ártabra Noticias de Ferrol y la comarca de Ferrolterra.
O Bloque Nacionalista Galego de Ferrol celebra o vindeiro xoves, 8 de outubro, un acto público de presentación da candidatura de Món Fernández a alcaldía de Ferrol nas próxima eleccións municipais do mes de maio co obxectivo de que sexa o novo alcalde da cidade.
Neste acto que se desenvolverá no centro cívico de Caranza, o 8 de outubro às 20 horas, Mon Fernández estará arroupado pola portavoz nacional do BNG, Ana Pontón e no que tamén intervirán o actual portavoz municipal, Iván Rivas, e Mariña Bello.
O BNG defende unha voz propia para Ferrol, «sen subordinacións e centrada na defensa dos intereses da cidade». Mon Fernández defende que Ferrol é moito máis que unha cidade, «é a cabeceira da comarca e ten que recuperar ese liderazgo que ten abandonado pola deixadez dos últimos alcaldes».
O BNG defende que Ferrol precisa dun cambio «e precisa volver a situar no centro da política municipal ao máis importante que ten a cidade que son as súas as persoas e as entidades que traballan día a día por mellorar Ferrol».
O BNG convida a toda a veciñanza a participar no acto, achegarse a coñecer a Mon Fernández e o proxecto que presenta para Ferrol.
