Galicia Ártabra Noticias de Ferrol y la comarca de Ferrolterra.
Ferrol en Común a través dun comunicado expón o seguinte: «Nestas últimas semanas diferentes empresas de tala e recollida de madeira están a desenvolver a súa actividade incumprindo a normativa viaria do concello, ocasionando importantes danos nas estradas de titularidade municipal».
«Diferentes veciños e veciñas da zona rural puxéronse en contacto co noso grupo municipal, desesperados pola falta de resposta do goberno, deixando actuar con impunidade aos madeiristas en zonas como a próxima á Feira do Dous en Serantes ou no Camiño da Chamosa en Brión».
«A falta dunha ordenanza municipal, que levamos demandando dende o inicio de mandato, fai que as autorizacións que expide a Xunta de Galicia para traballos puntuais sexan empregadas como salvoconduto para incumprir os sinais de restrición de tonelaxe máximo, en moitas zonas limitadas a 15 toneladas e utilizando camións de carga de 44 toneladas. Cando o control era real e efectivo as cargas e descargas facíase en pequenos tractores ata o punto de carga autorizado, pero a falta de control abre á porta a que as pistas e estradas do concello sufran un deterioro grave do que ningúen se fai responsable».
«A situación é tal, que a estrada de Brión a Valón, recentemente aglomerada hai un ano, presenta xa importantes desperfectos, e o goberno, nun uso irresponsable dos recursos públicos, non ten emprendida ningunha acción legal ou proposta de sanción para os que están atentando contra o patrimonio municipal».
«Demandamos, polo tanto, que ademais dunha campaña disuasoria intensa, se retome a negociación e publicación dunha ordenanza, que conteña un apartado específico para a creación destas licencias de tala, coa presentación dunha memoria, un reportaxe fotográfico previo e posterior, e un réxime sancionador para casos de incumprimento que eviten os danos materiais ocasionados no noso concello» conclúen.
