A UDC abre matrícula para os obradoiros culturais do primeiro cuadrimestre

As persoas interesadas poderán matricularse entre o 24 e o 30 de setembro. O alumnado da UDC terá dereito ao recoñecemento de créditos.

A Universidade da Coruña UDC acaba de abrir, ata o vindeiro luns 30 de setembro, o prazo de matrícula para poder participar nos obradoiros da Área de Cultura, que terán lugar no Espazo de Intervención Cultural Normal, no Campus da Coruña, e o Centro Cultural Universitario do Campus de Ferrol.

Os membros da comunidade universitaria contarán cunha ampla oferta formativa, que comprende disciplinas como danza, escrita creativa, creación e produción musical, fotografía ou estampación, entre outras propostas.

A matrícula pode facerse de xeito telemático na web da UDC e está aberta tanto para a comunidade universitaria como para o público en xeral. Ademais, o alumnado da UDC participante terá dereito ao recoñecemento de créditos.

Máis información e inscricións nas seguintes ligazóns:
Obradoiros presenciais en Normal:

Escritura de Guión. Docente: Ángela María Andrada Gómez.
Creación e produción musical. Docente: Alfredo Manuel García Sánchez.
Escritura creativa. Docente: Rocío Otero González.
Fotografía. Docente: Tamara Castrillejo Gutiérrez.
Obradoiro de Teatro. Docente: Sara Rey Seoane.
Obradoiro de Danza: Soma. Docente: Javier Fernández Martín.
Obradoiro de Actividade Musical colectiva. Docente: Daniel García Artés.

Obraroiros presenciais en Ferrol (Centro Cultural Universitario).

Danza contemporánea. Docente: Alicia López Méndez.
Fotografía. Docente: Bandia Ribeira Cendán.

Obradoiros de proposta libre en Normal:

Obradoiro de FanZine. Docente:Natalia Brandariz Fernández.
Obradoiro de Cadernismo e Debuxo Urbán. Docente: Daniel Carvajal Alonso.

Obradoiros de proposta libre presenciais en Ferrol (Centro Cultural Universitario):

Lab Textile Ferrol. Docente: Pilar Marcó Padín.

As persoas que sexan novas usuarias terán que facer o proceso de rexistro, para o que terán que premer en «comunidade universitaria» para os membros dos diferentes colectivos da UDC, ou en “persoas externas”, para o público xeral.

A Área de Cultura resérvase o dereito de suspender algún curso se a ocupación mínima non chegase a cinco persoas.

Calquera dúbida ou incidencia poderase consultar na dirección de correo electrónico normal@udc.gal ou nos teléfonos 881014502, en quenda de mañá, ou 881014511, en quenda de tarde, para os obradoiros de NORMAL; e para os ofertados en Ferrol, no correo cultura.ferrol@udc.gal e o teléfono 881013697, en quenda de mañá.