Galicia Ártabra Digital Noticias de Ferrol y la comarca de Ferrolterra.
O alcalde de As Pontes, Valentín Gonzélez Formoso continúa coa rolda de visitas ás empresas afincadas no municipio e, nesta ocasión, con todo un líder do sector da construcción e do transporte como é Construcciones Canosa.
Valentín González Formoso compartíu balanze do traballo que se desenvolve nestas instalacións co seu xerente, Javier Martínez Piñeiro. O rexedor local subliñou o liderato da compañía local no sector do transporte por estrada que “da man dos novos proxectos que se poden facer realidade nas Pontes, tamén verá incrementada a súa carga de traballo”.
No mesmo senso se expresaba Javier Martínez; o xerente da compañía pontesa apuntaba que, a día de hoxe, o seu principal nicho de mercado segue a ser o transporte por estrada e a execución de obras, aínda que a posta en marcha de proxectos coma Reganosa ou a fábrica de papel de Ence tamén suporán unha importante carga de traballo para esta lonxeva compañía local.
Construcciones Canosa leva case catro décadas en activo, dende a súa apertura en 1987 da man do seu fundador: Antonio Martínez Canosa, todo un experto no sector da construcción. A día de hoxe contan con preto de 70 empregados e desenvolven proxectos de obra civil, obras hidráulicas, urbanización de terreos ao que se suma o transporte por estrada.
Huso 29 Estudios y Construcciones
Afincada no Polígono dos Airíos, Huso 29 Estudios y Construcciones adícase á construción industrial, topografía e obra civil dende a súa fundación en 2005.
A día de hoxe conta cun cadro de persoal de 39 persoas e, en 2023, superaron os 3,1 millóns de euros de facturación, unhas cifras que, segundo explicou o propio José Otero, se superarán neste 2024.
A súa clientela maioritaria está en Galicia e, a día de hoxe, traballa con compañías coma Greenalia, Alcoa, Endesa, Rede Eléctrica, Gamesa ou Sogama, entre outros.
