As tres escolas infantís de Narón dispoñen de vacantes

A concelleira de Ensino do Concello de Narón, Olga Ameneiro, informou da existencia de prazas libres para menores de 0 a 1 anos e de 2 a 3 anos nas tres Escolas Infantís Municipais, as da Solaina, A Gándara e Piñeiros, para o curso 2024-2025.

Recentemente o Concello publicou as listaxes dos menores admitidos en cada un dos centros -que se poden consultar no enlace:

http://www.naron.es/web/cat/gal/concello/escuelas_infantis/- e nos que non quedan vacantes na franxa de 1 a 2 anos.

As persoas interesadas en matricular aos seus fillos o vindeiro curso nas citadas vacantes poden entregar as solicitudes a través do Rexistro municipal do Concello, tal e como recordou Ameneiro.