A Biblioteca de Narón abre inscrición na actividade multidisciplinar «Debatemos?»

A Biblioteca municipal de Narón abre este martes 9 o prazo de inscrición na actividade Debatemos?, unha proposta multidisciplinar para nenos a partir de 5 anos que se levará a cabo este sábado 13  ás 11:00 horas nas citadas instalacións municipais.

A concelleira responsable desta área, Olga Ameneiro, recordou que as reservas se poden realizar de xeito presencial na Biblioteca ou chamando por teléfono ao número 981 382 173.

Durante a actividade leranse varios contos seleccionados e motivarase aos menores á reflexión a través dun debate por equipos. A actividade representará unha oportunidade única para estimular o pensamento crítico e a imaxinación entre os nenos mentres se divirten e aprenden.

A filosofía e o debate filosófico poden desenvolver diversas habilidades nos máis pequenos, como o sentido crítico, a creatividade, a concentración, a escoita ou a comunicación. A edil naronesa explicou que co obxectivo de promover e potenciar esas capacidades se desenvolverá esta actividademultidisciplinar, á que animou a inscribirse ós nenos da cidade.

Lea también

La navarra EMPER adquiere dos importantes empresas con instalaciones en Narón

Según informa “Navarra Capital” la empresa EPER Metallic Solutions, fabricante navarro de estructuras metálicas con …