O BNG de Ferrol homenaxea a Carvalho Calero

O Bloque Nacionalista Galego lembrará ao profesor Ricardo Carvalho Calero cun acto e unha ofrenda floral diante da súa casa natal este sábado 23 de marzo, ás 11:00 horas.

Este acto contará coa intervención do portavoz municipal do BNG, Iván Rivas, e faise para conmemorar os 34 anos do  pasamento de Ricardo carvalho Calero (25 de marzo de 1990).

Desde o BNG de Ferrol con este acto pretende «lembrar e reivindicar a figura e o pensamento de Carvalho Calero e servirá para demandar, unha vez máis a declaración da casa natal e das parcelas que forman parte deste proxecto de rehabilitación como Zona de Especial Necesidade de Rehabilitación (ZER), unha medida que permitiría desenvolver o proxecto de recuperación deste inmoble co obxecto de convertilo nun centro de referencia da historia, da cultura e da lingua na nosa cidade e que sirva, así mesmo, de lugar de encontro para o barrio».