Galicia Ártabra Digital Noticias de Ferrol y la comarca de Ferrolterra.
Unha unidade móbil da Axencia de Doazón de Órganos e Sangue (ADOS) estará o vindeiro martes e mércores, días 20 e 21, na cidade de Narón, concretamente nas inmediacións do centro de saúde.
O vehículo permanecerá operativo en ambas xornadas en horario de tarde, de 15.30 a 21.00 horas.
As persoas que acudan a doar sangue a primeira hora deben almorzar pola mañá e no caso de facelo despois de xantar ao mediodía, esperar dúas horas para facelo. Así mesmo, deben levar a tarxeta de doante, o DNI ou un documento similar e informar ao médico se se está tomando algún medicamento.
Dende ADOS informouse que as persoas que queiran consultar posibles dúbidas sobre a doazón de sangue e a localización das unidades móbiles poden chamar, de balde, ao número de teléfono 900 100 828
