Galicia Ártabra Digital Noticias de Ferrol y la comarca de Ferrolterra.
A asociación ARCE, de Amigos dos Ríos de Cedeira, levou a cabo o pasado sábado unha nova limpeza, desta volta na contorna da ermida de San Antonio de Corveiro
Segundo explicou Camilo Casal, o presidente da entidade, recolléronse moitos vidros e plásticos, fundamentalmente, pero tamén voluminosos como un colchón, restos de uralita ou algún moble, nun punto algo máis afastado da capela que se estaba a empregar como un vertedoiro incontrolado.
A asociación ARCE emprendeu o pasado mes, na praia da Madalena unha campaña de limpezas en diferentes espazos naturais do concello de Cedeira coas que, ademáis de retirar lixo, quere sensibilizar á cidadanía sobre a importancia de coidar o medio ambiente e facer unha correcta xestión dos residuos.
