As farmacias de Valdoviño súmanse á rede de puntos violeta

Deste xeito, a Farmacia Casariego e Farmacia Portela Romero en Valdoviño; a Farmacia Covadonga Gutiérrez Rodríguez-Moldes en Sequeiro e a Farmacia de Meirás adquiren a condición de punto violeta nun mapa no que xa figuraban o centro de saúde, a casa da cultura, as oficinas da Policía Local, centro sociocomunitario, cooperativas, Librería Xeila e departamento de Servizos Sociais.

As farmacias de Valdoviño súmanse á rede de puntos violeta no municipio, espazos seguros para a muller a onde pode acudir en caso de sentirse acosada ou ser vítima de agresións, e onde dirixirse para trasladar esa agresión. 

Dende esta semana están identificadas con carteis e un código QR que dá acceso a información sobre os pasos a dar ante unha situación de violencia de xénero.

Ademais, aqueles establecementos comerciais e negocios que desexen sumarse, poden contactar con Servizos Sociais no 981 48 70 41 ext. 5, onde os informarán sobre os trámites a realizar

Lea también

Novo ciclo formativo en As Pontes do programa Integrado de Emprego

O Concello das Pontes, ao abeiro do Programa Integrado de Emprego, subvencionado pola Consellería de …