Galicia Ártabra Digital Noticias de Ferrol y la comarca de Ferrolterra.
Foron numerosas as intervencións do Servizo de Prevención, Extinción de Incendios e Salvamento (SPEIS) de Narón durante a xornada de onte e nesta madrugada debido á borrasca Ciarán. Os bombeiros de Narón realizaron saídas para atender varias situacións:
-17:53 horas: Un accidente por unha saída de vía na AG-64, onde envorcou á altura da parroquia naronesa de Sedes.-21:30 horas: Saída pola caída dunha árbore nunha pista da parroquia de Castro
-21.30 horas: Saída por movemento de contenedores en vías públicas: rúa Bernardo Romero e FE-12
-23:03 horas: Saída por unha árbore caída na FE-12, de grandes dimensións e que obstaculizaba a circulación rodada
-23:30 horas: Saída por unha árbore caída na zona de Río Seco, en dirección a San Pedro de Leixa
-23:53 horas: Retirada de dúas árbores na Presa do Rei
-00:30 horas: Retirada dunha árbore en Pedroso
-01:30 horas: Retirada dunha árbore no Vilar
-01:45 horas: Inspección dunha árbore sobre tendido eléctrico público
-04:50 horas: Retirada dunha árbore na avenida Bernardo Romero, no polígono de Río do Pozo.
Xa ás 07:08 horas a área operativa realizou unha decena de servizos, dos que nove foron ocasionados pola borrasca Ciarán. Dende o SPEIS de Narón activouse o plan de reforzos na xornada de onte, en previsión do incremento de saídas ao longo da xornada.
Ao longo deste xoves mantense o reforzo en previsión de actuacións derivadas dos efectos residuais do temporal, polo que traballarán un total de oito efectivos.
