Galicia Ártabra Digital Noticias de Ferrol y la comarca de Ferrolterra.
Iván Rivas, portavoz municipal do BNG, sinalou que «a situación do transporte público na cidade é dramática e lembrou que se trata dun servizo de prestación obrigatoria por parte dos concellos de máis de 50.000 habitantes como é o noso»
Así mesmo indicou que «a situación do transporte público non é só un problema de mobilidade senón que ademais é un problema laboral, económico e medioambiental»
«É un problema laboral e educativo dado que a carencia de servizos e frecuencias limita as posibilidades de acceso da veciñanza a centros de traballo e educativos ademais de ter que invertir, no mellor dos casos, tempos excesivos para chegar até o lugar de desprazamento».
«Por outra parte a precariedade do transporte público tense convertido tamén nun problema económico derivado dos custes asociados ao transporte particular, tanto de combustible como de peaxes, que cada vez supoñen un importe maior. É por último a ausencia de transporte público estase a convertir nun grave problema medioambiental nun contexto no que o transporte por estrada xera o 26,9% das emisións de gases efecto invernadoiro do estado»
«Por estas razón compre que as administracións responsables asuman a necesidade de darlle unha solución inmediata aos problemas do transporte público nunha cidade na que ao illamento ferroviario se lle une a precariedade do transporte por estrada»
«Compre que tanto a Xunta de Galicia como o concello de Ferrol asuman as súas responsabilidades e destinen o seus esforzos a resolver os problemas reais d transporte na cidade para deixar de lado a frivolidade de anunciarnos estacións intermodais cando o transporte tanto ferroviario como por estrada é no mellor dos casos deficitario e cando non destinan un só euro dos seus orzamentos a resolver os problemas de mobildade na cidade e comarca»
Por este motivo desde o BNG «demandamos da Xunta de Galicia o reforzo dos servizos de transporte ferroviarios e por estrada de saída da cidade e do Concello de Ferrol o desenvolvemento dun servizo de transporte urbano complementario ao actual até acadar a xestión propia do mesmo»
