Cedeira programa la última actuación del ciclo «Cantos e Contos ao Solpor»

A praza do Pazo de Moscoso acollerá este sábado día 23, ás 20.00 horas, o espectáculo musical de Xoán Curiel “Treides comigo”.

O Concello de Cedeira suma este sábado un espectáculo máis ao ciclo de “Cantos e contos ao solpor”, un programa clásico no tránsito do verán ao outono na localidade, que xa viaxou nas pasadas semanas polas parroquias de Régoa, Cervo e San Román. Desta volta o polifacético artista Xoán Curiel leva ata a praza do Pazo de Moscoso o espectáculo musical “Treides comigo”; E en caso de choiva a función trasladarase ao Auditorio Municipal.

Xoán Curiel (Fonsagrada, 1975) é un cantante, músico e actor profesional, cunha ampla experiencia como compositor, letrista, director artístico e teatral. Na súa carreira como músico e letrista móvese na innovación e na mistura de estilos dentro da canción de autor e as músicas do mundo.

“Treides comigo” é o seu sétimo traballo discográfico. Nel fai unha lectura contemporánea das obras medievais compostas polos trovadores galegos e portugueses. Xunto con Xoán Curiel, á guitarra e voz, actúan Iria Estévez (voz), Bleuenn LeFriec (arpa Clásica), Carlos Freire (percusión), Virginia Lis (clarinete) e Alex Salgueiro (flautas e clavicordio).

Lea también

Formoso valora a recuperación do pazo de Meirás na presentación dun libro de cartas inéditas de Galdós e Pardo Bazán

O presidente da Deputación da Coruña, Valentín González Formoso, destacou o compromiso do Estado na …