Galicia Ártabra Digital Noticias de Ferrol y la comarca de Ferrolterra.
A asociación cultural Vai Rañala Meu! organiza este sábado 1 de abril un obradoiro de empalletado e construción de pallóns de cana dirixido ós gaiteiros que queiran coñecer o coidado e manexo da parte máis fundamental do nos instrumento.
O obradoiro que terá unha duración de 5 horas, iniciarase ás 16:00 h. no Centro Cívico Social de Sedes e será impartido polo gaiteiro e construtor de palletas Rubén Carrera. O alumnado terá que levar unha navalla (tipo Taramundi ou Opinel), unha pedra de asentar e palletas vellas para poder facer as prácticas. Do mesmo xeito, Rubén Carrera amosará a técnica para a construción de pallóns de cana.
O obradoiro ten un custe de matrícula de 30 € e as prazas son limitadas. As persoas interesadas poden inscribirse ou recibir máis información no enderezo electrónico vairanhalameu@gmail.com ou no teléfono 616 421 882.
Esta actividade conta co colaboración da Área de Cultura da Deputación da Coruña.
