O Concello adxudica as obras de ampliación da estrada de Pazos

A Xunta de Goberno Local aprobou esta mañá a adxudicación da primeira fase das obras de ampliación da estrada de Pazos á empresa Copcisa S.A. por un importe de 396.911,84 euros, ive incluído, cun prazo de garantía de 11 anos. O prazo de execución na vía da parroquia de Serantes é de catro meses desde o día seguinte á firma de comprobación do replanteo.

As obras proxectadas consisten na mellora da mobilidade peonil e a seguridade viaria da estrada de Pazos, neste caso nun tramo de aproximadamente medio quilómetro desde o cruce coa DP-3603. Ampliarán a plataforma actual dotándoa dun espacio diferenciado e seguro para o tránsito peonil polo marxe esquerdo e proverase de servizos enterrados baixo a beirarrúa para substituír o entramado aéreo actual. Tamén se renovará o mobiliario urbano e o alumeado, instalarase unha varanda para a protección dos peonil e colocaranse novas marcas de sinalización viaria lonxitudinal e transversal.

A intervención na estrada de Pazos inclúe tamén a ampliación dun pequeno ponte de formigón armado sobre o Rego da Sardiña, que se levará a cabo con materiais similares e respectando o curso da auga. A sección hidráulica da ampliación será mellorada con respecto á actual pasando de 1,46 metros de altura útil a case 1,48-1,50 mantendo intacto o canal.

Na Xunta de Goberno Local tamén se aprobaron os prezos das entradas de catro actividades que se celebrarán no Teatro Jofre a través dun convenio asinado entre o Concello de Ferrol e o Agadic (Axencia Galega das Industrias Culturais).

O espectáculo Jon Braun, terá lugar o 1 de marzo ás 12.30 horas e custará 5 euros. Narra a historia dun poboado indio onde reina a alegría. Un día as vidas de Jon Braun e a súa irmá sepáranse. A valente irmá é capturada, pero ela nunca se esquecerá de Jon Braun e as súas orixes e o pequeno indio decidirá ir buscar á súa irmá. Trátase dunha emocionante historia que conta como o amor pode vencer á adversidade.

O día 28 do mesmo mes, ás 20.30 horas, terá lugar Macbeth – O ruído e a furia, a gran traxedia de William Shakespeare protaxonizada por los actores Luis Iglesia, Iria Ares, Carlos Sante e David Perdomo. As entradas custarán 5 euros.

O 25 de abril, tamén ás 20.30 horas, o Teatro Jofre acollerá Celebraré mi muerte, unha representación que conta a forma na que a vida do médico Marcos Hourmann cambiou para sempre. A entrada custará tamén 5 euros. Por último, o 29 de abril, terá lugar á mesma hora Leira, un espectáculo de música e danza que representa a beleza das labores do campo. O prezo das entradas será de oito euros.