Galicia Ártabra Digital Noticias de Ferrol y la comarca de Ferrolterra.
O Bloque Nacionalista Galego de Ferrol pide ao goberno local que desenvolva traballos de mellora e adecentamento na praia de Caranza e no seu entorno que palien as deficiencias do mesmo.
Para o BNG resulta importante que por parte do Goberno Local se facilite que os numerosos veciños e veciñas que utilizan este espazo de esparcimento poidaan facelo nas mellores condicións posíbeis e hai que lembrar que aínda que a praia poida non ser apta para o baño este areal e os paseos que o rodean é unha zona moi frecuentada que na actualidade presenta desperfectos pola falla de mantemento existente.
O BNG solicita que se proceda a arranxar a fuga de auga que inunda as escaleiras de aceso a praia desde o paseo peonil e que verte directamente as augas ao areal xa que fai que as mesmas estean esbaradizas supoñendo un perigo para quen as utiliza. Ademais compre proceder a recollida do lixo esparcido polo areal.
Desde o BNG queren instar ao goberno local a que lle preste maior atención a esta zona da cidade e mesmo que procedan ao desbroce da contorna do paseo da praia e os acesos para retirar a maleza existentes e adecuar à zona.
