O PSOE de Ferrol pon a disposición da cidadanía un recurso denunciando a taxa de depuración inxusta

Na mañá de hoxe a secretaria xeral do Partido Socialista de Ferrol, Beatriz Sestayo Doce, deu a coñecer a posta a disposición á cidadanía dun recurso denunciando a taxa inxusta e abusiva do goberno local de Ferrol.

As persoas interesadas poderán recoller o recurso nas distintas charlas informativas programadas polos socialistas de Ferrol nos barrios. Hoxe mesmo en Esteiro, concretamente na Asociación de Veciños de Esteiro, ás 19:30h terá lugar a primeira Asamblea aberta a cidadanía na que se explicará pormenorizadamente e darase resposta as dúbidas que poidan ter as persoas afectadas. Tamén están previstas charlas informativas no Barrio de San Xoán o vindeiro xoves, 15 de febreiro, ás 19:30h na Asociación de Veciños San Xoán – Bertón. O luns 19 de febreiro, será no Barrio de Ensanche A, no Centro Cultural Carvalho Calero, ás 19:30h. Así mesmo, no Barrio de Canido terá lugar o mércores 21 de febreiro ás 19:00h no Centro Cívico de Cánido. Tamén os socialistas estarán o xoves 1 de marzo, ás 19:30 no Centro Cívico de Ferrol Vello.

Tamén de luns a venres desde o grupo municipal socialista do Concello de Ferrol se facilitarán copias do recurso en horario de mañá.