O Xeodestino Ferrolterra Rías Altas celebra o I Workshop Costa das Ondas

O I Obradoiro de Costa das Ondas, que impulsa a Mancomunidade de Municipios da Ría de Ferrol celebrouse esta tarde no Antigo Hospicio de Ferrol coa participación de mais de 40 inscritos, representando a outras tantas empresas interesadas en impulsar a competitividade dos seus negocios vinculados ao surf.

O evento, que principiaba as ás 16:00, contou coa presenza de personalidades como Cesáreo González o secretario do Clúster de Turismo de Galicia, Alberto González, alcalde de Valdoviño e integrante do ente supramunicipal, e Luis Alcalá o Xerente da Mancomunidade de Concellos da comarca de Ferrol.

González centrouse en salientar a importancia da profesionalización do sector e a creación de sinerxias para o desenvolvemento local en eventos como o presente. Neste I encontro profesional de surf, turismo e outras industrias, están a participar un gran rango de empresas, de distintos sectores, entre as que se contan Carris Hoteles, Abancaou Avanza.gal.

Entre as 40 entidades participantes o papel principal represéntano as empresas relacionadas co surf (escolas de surf, casas de surf, e campamentos de surf) pero tamén se conta con empresas do sector turístico (axencias de viaxes, empresas de turismo activo, guiado turístico…) e outros sectores (deseño, financiamento, imaxe…).

O obxectivo desta actividade é crear relacións satisfactorias entre axentes do territorio para impulsar o crecemento e a competitividade do tecido empresarial relacionado co surf no territorio do XeodestinoFerrolterra – Rías Altas.

“Costa das Ondas” é o produto turístico sustentable de surf do destino turístico Ferrolterra – Rías Altas. Liderado pola Mancomunidade de Concellos de Ferrol, apoiado pola Axencia de Turismo de Galicia e a Deputación da Coruña, e participado polo sector do surf.