Inés Santiago, 12ª con España no Mundial por relevos

Inés Santiago traballou co relevo mixto da selección española para ser 12ª no Mundial.

A ferrolá foi unha das dúas mulleres elixidas entre as tres convocadas en Hamburgo e saíu na terceira posta, coa esixencia de aguantar o ritmo ao grupo no que lle entregasen o testemuño.

Tralos minitríatlons completados por Carolina Routier e Vicente Hernández, a internacional do Triatlón Ferrol iniciou o seu relevo en décimo terceiro lugar e logrou ceder o testemuño nunha boa oitava posición.