Galicia Ártabra Digital Noticias de Ferrol y la comarca de Ferrolterra.
O Bloque Nacionalista Galego de Ferrol, continúa a explicar polos barrios a situación na que se atopa o proceso para poñer en marcha a rede de saneamento en Ferrol e como a mesma vai repercutir ns veciños e veciñas. É por isto que mañá, mércores 1 de marzo, celebra un acto informativo que vai ter lugar a partir das 18:30 horas no salón de actos do Centro Cívico de San Pablo.
O BNG considera necesario compartir co conxunto de veciños e veciñas da nosa cidade a información que temos sobre esta cuestión de actualidade xa que consideramos que é un tema de grande interese.
Así mesmo neste acto abordarase a nova taxa de saneamento que está a promover o goberno local ademais de informar sobre as propostas do BNG para a transformación do sistema de depuración, para facelo máis substentábel, a aposta pola xestión directa dos servizos básicos para a cidade, como é o saneamento, e a esixencia de que sexa o Estado quen asuma a súa responsabilidade e pague as obras.
