Galicia Ártabra Digital Noticias de Ferrol y la comarca de Ferrolterra.
O alcalde de Narón, José Manuel Blanco, presidiu na mañá deste venres a recepción oficial que se celebrou no Concello aos representantes do grupo musical canario Los Gofiones, que actúa na noite deste venres no Pazo da Cultura, e das formacións que se subirán o sábado ao escenario do Pazo con motivo do XXVI Festival Internacional de Folclore de Narón. Os integrantes de Los Gofiones e os do Grupo de Folclore Punta do Sol-Illa de Madeira (Portugal); a Asociación Cultural Folclórica “Salmorena Losareña” (Cáceres); de Sol Arxentino (Arxentina) e de Folklorni Asamble Doma Kulture “Prnjavor” (Serbia) acudiron ao o acto, no que tamén estiveron presentes a responsable de Cultura, Marián Ferreiro e integrantes dos grupos políticos con representación na corporación local naronesa. O rexedor local deu a benvida aos convidados e desexoulles unha boa estancia en Narón, animándoos a coñecer o municipio e a gozar da súa estancia esta fin de semana na localidade.
A continuación, procedeuse a repartir uns agasallos institucionais, facendo entrega o alcalde dos mesmos aos representantes das formacións que participarán no XXVI Festival Internacional de Folclore de Narón. Á súa vez, os integrantes dos grupos tamén entregaron uns agasallos ao rexedor local.
A formación canaria Los Gofiones, que actuará esta noite, a partir das 20.30 horas no Pazo da Cultura, foi a encargada de pechar o acto. Os integrantes do grupo interpretaron algún tema do seu repertorio ante os representantes do goberno local e do resto de formacións musicais alí presentes, que gozaron co que supuxo un pequeno avance do concerto desta noite.
A formación canaria Los Gofiones, que actuará na noite deste venres, a partir das 20.30 horas no Pazo da Cultura, foi a encargada de pechar o acto. Os integrantes do grupo interpretaron algún tema do seu repertorio ante os representantes do goberno local e do resto de formacións musicais alí presentes, que gozaron co que supuxo un pequeno avance do concerto desta noite.Aplaudida sobor de todo a primeira interpretación «Castilllos en el aire» de Alberto Cortez.
