Galicia Ártabra Digital Noticias de Ferrol y la comarca de Ferrolterra.
O Consello da Xunta aprobou esta mañá o proxecto de acordo polo que se autoriza a prórroga para o ano 2017 do convenio de colaboración para o desenvolvemento conxunto do Plan de Transporte Metropolitano de Galicia na área de Ferrol, que suporá un investimento de 1,16 millóns de euros.
Esta renovación do acordo permite a continuidade dun plan que supón importantes aforros económicos para os usuarios, e que a Xunta financia nun 80%, achegando máis de 932.000 euros. Esta área de transporte está integrada na actualidade polos concellos de Ferrol, Ares, Cabanas, Cedeira, Fene, Mugardos, Narón, Neda, Pontedeume, Valdoviño e Miño.
Esta renovación do convenio permitirá, se así o ratifica a Comisión de Seguimento na que están integrados o Goberno galego e todos s concellos, a continuidade dun plan que supón importantes aforros económicos para os usuarios.
A Xunta contribúe co 80% da bonificación no traxecto principal e os concellos co 20% restante. Tamén se puxeron en marcha bonificacións do 100% dos transbordos e descontos adicionais aos usuarios habituais (15%) e ás familias numerosas (20% ou 50% segundo se ten 3 fillos ou máis).
O Plan leva consigo tamén un incremento do uso do transporte público,en detrimento do vehículo particular, feito que supón unha diminución da contaminación nas grandes cidades. O Consello da Xunta tamén autorizou a prórroga dos plans de transporte metropolitano das áreas da Santiago, A Coruña e Lugo, polo que o investimento que no seu conxunto realizan as administracións asinantes ascende a case 6 millóns de euros.
