A comedia «Misterio cómico» o xoves no Pazo da Cultura

naron-teatro do morcegoA compañía teatral Teatro do Morcego representará este xoves, día  20, no Pazo da Cultura a comedia “Misterio Cómico”. A obra, que está dirixida ó público adulto, dará comezo ás 20:30 horas. As entradas están xa á venda nas billeteiras do auditorio, ó prezo de 9.50€ para público xeral e 6,65€ para abonados, usuarios de carné xove ou de estudante (ata 25 anos) e desempregados.

Trátase dunha adaptación dun texto de Darío Fo co que acadou dous premios Compostela no ano 92 ao mellor actor para Celso Parada e mellor director para o portugués Julio Cardoso. Con esta peza teatral, celébrase o XXV aniversario da fundación da compañía Teatro do Morcego.

Darío Fo quere contar a verdadeira historia, a do pobo, a que foi sempre marxinada pola cultura oficial, manipuladora e hipócrita. Indignado pola terxiversación que os popes culturais fixeron deste feito como doutros temas, reivindica o verdadeiro coñecemento dun elemento esencial da cultura italiana, como é a súa tradición oral e escrita de teatro popular.

Baixo a dirección de Julio Cardoso, ‘Misterio Cómico’ está protagonizada exclusivamente polo artista Celso Parada.

Lea también

Almorzo para recadar fondos para o Centro de Recursos Solidarios de Narón

Unhas 250 persoas acudirán este sábado 30 á comida organizada para recaudar fondos para o …