Galicia Ártabra Digital Noticias de Ferrol y la comarca de Ferrolterra.
O Concello de Neda anunciou na mañá deste xoves, día 9, a próxima instalación de cinco colectores para a recollida de aceite doméstico usado. O obxetivo é favorecer a súa reciclaxe, minimizando deste xeito o impacto medioambiental deste tipo de residuo. O novo mobiliario ubicaráse na Avenida de Alxeciras (á altura dos números 95-97), na rúa Santa María (nº 55), Avenida de Xubia (nº 45), Muchiqueira (nº 16) e Mourela Baixa (nas inmediacións do transformador de Fenosa). O obxetivo é que entren en servizo antes do día 15 de maio. Segundo avanzou a concelleira de Promoción Económica, Montse Rico, tras un periodo de pro-bas e analizada a resposta da veciñanza, o Concello valorará a necesidade de ubicar novos puntos de recollida, reforzándose o servizo segundo a demanda. A maiores, avanzou que os locais de hostelería terán á súa disposición un bidón para facilitar a súa participación na reciclaxe.
Cada contenedor, accesible para persoas con diversidade funcional, terá unha capacidade de 180 litros e a recollida programaráse inicialmente cada quince días. A empresa encargada do servizo, Procesadora Gallega de Alimentos, tamén limpará e desinfectará os contenedores. A edil Montse Rico subliñou a importancia de reciclar este tipo de residuos polo seu grave impacto medioambiental e asegurou que, a partir dagora, non hai excusas para non facelo. Nesta liña, explicou que os aceites de cociña usados constitúen un residuo moi abundante –a media en España é de sete litros por habitante e ano– e cun alto poder de contamintación –un litro contamina 1.000 litros de auga-. Así mesmo, engadiu que, do volumen do residuo, estímase que o 80% xérase nos domicilios particulares e, o 20% restante, na hostelería, colectividades e industria. ¿O máis alarmante? O 99% dos fogares elimina o aceite de cociña usado a través do desaugue.
Pero, ¿en que se convertirá o aceite que os nedenses depositen nos contenedores? Unha vez recollido, o residuo trátase para a súa posterior transformación en biocombustible-biodiésel.
