O Censo Electoral estará exposto ao público en Narón do 12 ao 19 de outubro

A consulta pode facerse na Oficina de Atención ao Cidadán do Concello, na sede electrónica do INE ou na súa delegación na Coruña.

O Concello de Narón informa de que o Censo Electoral estará exposto ao público do luns 12 ao luns 19 de outubro, con motivo da convocatoria das Eleccións ás Cortes Xerais, que se celebran o domingo 29 de novembro.

O prazo ábrese en cumprimento do artigo 39 da Lei Orgánica 5/1985, do 19 de xuño, do Réxime Electoral Xeral, e permite á veciñanza comprobar se os seus datos figuran correctamente e, de non ser así, presentar a reclamación oportuna.

Quen o desexe pode consultar o censo de forma presencial na Oficina de Atención ao Cidadán do Concello de Narón, situada na planta baixa, de luns a venres en horario de 08:30 a 13:30 horas. Ao ser festivo o luns 12, a oficina atenderá do 13 ao 19 de outubro, excepto a fin de semana. Tamén está disponible para consulta na sede electrónica do Instituto Nacional de Estatística (INE) e na Delegación Provincial do INE na Coruña.

Para calquera dúbida, o INE ten habilitado o teléfono gratuíto 900 343 232, que atende de luns a venres en horario de 09:00 a 14:00 horas.

O Concello de Narón anima a veciñanza a revisar os seus datos dentro do prazo, xa que, unha vez pechado, non será posible presentar reclamacións.