Apertura do prazo de inscrición na ludoteca municipal de Narón

O servizo oferta 95 prazas repartidas en tres quendas horarias para nenos de 2 a 12 anos.

A ludoteca municipal de Narón abre este luns 7 de setembro, o prazo de matrícula para o curso 2026-2027, dirixido a nenos de 2 a 12 anos. As inscricións permanecerán abertas ata cubrir as 95 prazas dispoñibles.

A solicitude deberá tramitarse presencialmente na propia ludoteca, de luns a venres. Ata o 8 de setembro, o horario de atención será de 13:00 a 14:00 horas; a partir do día 9, pasará a ser de 19:00 a 20:00 horas.

Do total de prazas ofertadas, 40 están reservadas para nenos de 3 a 6 anos, outras 40 para os de 7 a 12 anos e 15 para os de 2 anos.

A ludoteca funciona como un recurso de conciliación familiar e como espazo socioeducativo, no que o xogo, os xoguetes e os libros son a ferramenta principal para a socialización dos máis pequenos. Abre todos os meses do ano agás en agosto, no barrio da Solaina, na rúa Cardenal Cisneros nº 2.

As familias poden escoller entre tres quendas: luns, mércores e venres de 16:00 a 19:00 horas; martes e xoves de 16:00 a 19:00 horas; ou, para os nenos de 2 anos, luns e mércores de 18:00 a 19:00 horas. Terá prioridade quen se inscriba a tempo completo na opción elixida, e os horarios poderán axustarse na medida do posible ás necesidades das familias.

Para máis información, pódese contactar a través do correo ludoteca@naron.gal, do teléfono 981 38 92 84 ou do perfil de Facebook Ludoteca Municipal de Narón.