Galicia Ártabra Noticias de Ferrol y la comarca de Ferrolterra.
Celébrase do 29 de xuño ao 5 de xullo na praia de Pantín.
Tras unha primeira experiencia positiva no Pantín Classic, o Concello de Valdoviño aposta de novo pola promoción dos produtos e produtores locais noutro evento deportivo de primeiro nivel como é o Campionato de España de Surfing, que se celebra do 29 de xuño ao 5 de xullo na praia de Pantín.
Con ese obxectivo, lanzaba hai uns días unha convocatoria aberta ás firmas e emprendedoras locais e convocaba unha reunión de traballo, coa participación do alcalde, Alberto González, e máis da concelleira de Cultura e Turismo, Rosana García. Asistían negocios locais coma Ay Carmen Conservas, Moira, Salitre ou Vimu Handmade Design, que amosaban a súa predisposición a sumarse ao proxecto, no que colabora activamente RSM Surf School.
O Concello reservará o espazo, e habilitará o punto expositor e de venda no que as firmas poderán presentar e comercializar os seus produtos entre o público procedente de toda España. A convocatoria está aberta, e os negocios interesados en tomar parte aínda están a tempo, contactando enviando un whasapp ao número 609 66 98 01
