Galicia Ártabra Noticias de Ferrol y la comarca de Ferrolterra.
O Concello de Neda vén de completar a reordenación do tráfico na rúa Xeneral Morgado, acceso principal ao casco antigo da vila. A intervención ten como finalidade facilitar a visibilidade nas incorporacións, mellorar a fluidez da circulación rodada, e optimizar a seguridade viaria.
A cuadrilla de obras do PEL – Concellos 2026 ocupouse nas últimas semanas dos traballos de sinalización horizontal – pintado de liña amarela- e vertical -colocación de sinais- nunha das beiras desta vía de dobre dirección na que, por mor do estacionamento nas dúas marxes, resultaba practicamente imposible que se cruzaran dous coches.
A prohibición de estacionar cínguese ao treito comprendido entre a intersección coa rúa Sobre a Vila e a confluencia coa Concepción Arenal.
