O BNG denuncia el abandono de la estación de autobuses de Ferrol

O Bloque Nacionalista Galego de Ferrol acudiu este mércores a estación de autobuses de Ferrol para poñer o foco na situación do transporte público e denunciar «a situación de abandono na que a Xunta de Galiza mantén este servizo na nosa comarca así como a propia estación de autobuses da cidade».

Iván Rivas, portavoz municipal do BNG en Ferrol, lembrou que «vivimos nunha cidade cun transporte público precario, cun deterioro absoluto dos servizos ferroviarios e un deficiente transporte por estrada unha situación que xera problemas de tipo social e económico aos veciños e veciñas da cidade como que a xente quede tirada nas paradas por non haber prazas suficientes ou que os buses non pasen. Polo que é preciso e urxente ampliar os servizos de transporte por estrada e as dotacións mínimas para que eses servizos funcionen e se aposte por revitalizar a estación de autobuses de Ferrol».

Rivas lembrou que o BNG ten presentado múltiples iniciativas neste sentido sen obter resposta e que por parte da Xunta e do goberno Local tampouco se están a ter en conta as reivindicacións que leva anos desenvolvendo a veciñanza desta cidade polo que censurou a complicidade do alcalde da cidade e do goberno municipal que continúan a mirar para outro lado sobre esta cuestión.

Mon Fernández, deputado do BNG, indicou que o BNG leva máis de quince anos preocupándose por esta instalación e presentando iniciativas no parlamento obtendo sempre vagas contestacións por parte do PP ou a sempiterna escusa de que se está a espera de asinar o convenio co Estado para a estación intermodal.

Mon Fernández considera que a situación da estación de autobuses de Ferrol «é unha fraude para coa veciñanza igual que falar de intermodalidade ou de que esta infraestrutura vai ser unha marabilla algún día é unha tomadura de pelo».

Para Fernández a estación de autobuses de Ferrol é o un exemplo que deixa en evidencia a capacidade de xestión da Xunta de Galiza. Istas son unhas instalacións publicas abandonadas, cuns baixos comerciais que poderían ter un rendemento económico a comezar pola cafetería e a realidade é que esta todo abandonado. Unhas instalacións que podían estar xerando unha actividade económica, dándolle vida a estación e servir para mellorar os servizos da propia estación. Todo isto demostra que o goberno galego non ten ningún tipo de interese por darlle tilidade a esta estación

Para o BNG é triste que a única medida que ten o PP para solventar o estado de abandono da estación de autobuses de Ferrol sexa incluir, ano tras ano, unha partida nos orzamentos da Xunta para a estación intermodal que sabe que nunca vai executar.