Galicia Ártabra Digital Noticias de Ferrol y la comarca de Ferrolterra.
O IES Breamo de Pontedeume participa na 4º e última fase previa do Club de Debate Alingua, que se celebra este mércores 26 de febreiro en Ribeira.
O centro educativo eumés estará representado por 10 alumnos e alumnas de 3º da ESO que conforman o seu equipo de debate, xunto coa súa profesora Estefanía Mosquera Castro. Neste evento, tamén acompañará ao equipo a técnica municipal de normalización lingüística, que apoiará ao equipo na súa participación na competición.
Dende o Concello de Pontedeume deséxanlle á rapazada «toda a sorte do mundo nesta proba, que xa de por si é un recoñecemento ao seu esforzo e dedicación».
Os equipos gañadores das 4 fases previas pasarán a fase final do certame, que determinará aos mellores oradores da edición deste ano.
