Un centenar de escolares inician a campaña de esquí de A Deputación da Coruña

Un centenar de nenos dos concellos de Abegondo, Aranga, Bergondo, Betanzos, Boimorto, Cabanas, Coirós, Curtis, Frades, Irixoa, Melide, Mesía, Miño, Monfero, Oza-Cesuras, Paderne, Pontedeume, Santiso, Sobrado, Toques, Vilarmaior e Vilasantar participaron a pasada fin de semana na estación de esquí de Valgrande-Pajares (Asturias) na Campaña da Esquí da Deputación da Coruña.

Trátase da primeira expedición á neve dentro da campaña provincial de 2025, na que participan mozos de 11 a 15 anos de idade. Con esta proposta, a institución provincial pretende que a rapazada da provincia da Coruña “poda iniciarse ou perfeccionar as súas habilidades no esquí con monitores profesionais, ao mesmo tempo que participan noutras iniciativas deportivas e culturais organizadas de xeito complementario”, indicou o deputado de Deportes, Antonio Leira, que sinalou que este ano participarán na actividade un total de 600 nenos e nenas de toda a provincia.

Aínda que con pouca neve debido á situación meteorolóxica, a rapazada gozou dunha fin de semana chea de actividades deportivas e culturais e tiveron oportunidade de practicar o esquí. Este venres parte a Valgrande-Pajares a segunda quenda, con nenas dos concellos de Arteixo, Cambre, Carral, A Coruña, Culleredo, Oleiros e Sada.