CITES pon en marcha a II edición de sabores de Ferrol

Tras crear o ano pasado a marca SABORES DE FERROL á que pertencen 10 ultramarinos da cidade, grazas á axuda de Promoción Económica do Concello de Ferrol, CITES pon de novo en marcha unha promoción co obxectivo de promover o consumo nos ultramarinos de barrio e ensalzar os seus produtos e servizo.

Integran este colectivo: “EL RÁPIDO”, “LA TIENDA DE ERIKA” da Madalena, COMAREA de Esteiro, “FRUTERÍA VICTOR” de Canido, “FRUPAN” tanto o da rúa Cuntis como o de Hernán Cortés, “MARUJA ALIMENTACIÓN” situado na rúa Enxeñeiro A. Comerma, “FRUTERÍA TONIA” da rúa Venezuela, “FRUTERÍA AMORODOS” na Estrada de Catabois e A TENDIÑA de Montecoruto.

Como espazos de referencia, ofrecen productos locais e de proximidade e un trato persoalizado e casi diario cos seus clientes. A nova campaña de lanzamento deu comezo co reparto de balde de milleiros de bolsas promocionais, que continuará cun interesante sorteo e unha campaña en redes sociais que estará protagonizada por influencers locais. Actuacións que teñen como fin xerar pequenos incentivos para fidelizar aos clientes, atraer novos e dar lugar a máis consumos.

Trátase dunha inicitiva con intención de continuidade e que cada ano desenvolverá unha atractiva campaña de visibilidade que estimule o consumo entre os consumidores habituais e capte novos clientes.