Pontedeume celebra por primera vez un bautizo civil

O Concello de Pontedeume acolleu de forma oficial por primeira vez na súa historia unha cerimonia de acollemento civil, coñecida máis coloquialmente como bautizo civil.

Os protagonistas foron o neno Xoel Lema Sánchez e os seus pais, José e Jessica, nunha emotiva cerimonia oficiada polo alcalde de Pontedeume, Bernardo Fernández, na que exerceron de padriños Alejo e Salomé.

“Un día especial, por ser a primeira ceremonia de este tipo que celebramos en Pontedeume, polo que Xoel pasará xa á historia da nosa Vila”, asegura Bernardo Fernández.

“Dende o Concello queremos agradecer aos pais de Xoel que nos fixeran partícipes dun día tan especial nas súas vidas, nas dos padriños e por suposto na do pequeno”, engade o alcalde de Pontedeume.