Galicia Ártabra Digital Noticias de Ferrol y la comarca de Ferrolterra.
O Concello de Pontedeume informa doinicio das obras de ampliación da rede de saneamento municipal ata San
Cosme-Nogueirosa, un núcleo de poboación que non contaba con este servizo que levaba anos demandando.
Os traballos desenvolveranse grazas á financiación do Plan Provincial de Obras da Deputación da Coruña, que aporta preto de 150.000 euros para ampliar a rede de saneamento da vila.
“Con esta obra estamos a resolver unha importante demanda veciñal e levando o saneamento ata outro núcleo de poboación, seguindo co compromiso de investir nas parroquias”, destaca o concelleiro de Urbanismo, Daniel Ríos.
En concreto, as obras consistirán na ampliación en máis de 400 metros da rede de saneamento para chegar a este núcleo de poboación, que tamén contará con un novo equipo de bombeo.
Con motivo do inicio das obras haberá restricións de tráfico de 08:00 a 18:00 horas a partir deste martes 27 de agosto: o carril bici da zona situada baixo a ponte da autopista estará cortado a ciclistas e peóns, xa que pasará a estar habilitado para o tránsito dos vehículos dos veciños e veciñas afectados polos traballos.
