A provincia que sabe recibe un dos premios Gente Viajera Galicia

A campaña turística e gastronómica da Deputación da Coruña, ‘A provincia que sabe’, resultou gañadora dun dos Premios Gente Viajera de Galicia, organizados por Onda Cero.

Fíxoo na categoría de ‘mellor promoción turística’, grazas a “ter en conta as necesidades tanto dos visitantes como da población local”, tal e como destacou o xurado, que tamén puxo en valor a “promoción da innovación nos procesos turísticos” da entidade provincial a través desta iniciativa.

O vicepresidente e deputado de turismo, Xosé Regueira, subiu ao escenario a recoller o galardón, que lle entregou Carles Lamelo, director do programa ‘Gente Viajera’.

Durante a súa intervención, Regueira salientou “o elevadísimo nivel do sector agroalimentario e turístico”, protagonista da campaña, que ademais “xera riqueza e oportunidades no territorio”.

“Un sector”, engadiu, “que está sendo recoñecido mundialmente grazas ao seu bo facer, e que nós podemos constatar en cada feira internacional na que nos acompañan”.

Ademais, Regueira referiuse ao traballo de “cooperación e colaboración para facer do turismo un sector competitivo, de calidade e sostible”, e que reforza a súa “aposta polo territorio e polo país, dende o orgullo e o máximo respecto á contorna”.

Entre os demais premiados atópase tamén a Reserva da Biosfera Mariñas Coruñesas e Terras do Mandeo na categoría de ‘innovación turística e sostibilidade’.

Un proxecto que conta co apoio da Deputación, e que “é sinónimo de “compromiso co territorio, profesionalidade e calidade”, tal e como afirmou o vicepresidente durante a súa intervención.

Lea también

Ence impulsa desde As Pontes el ‘Consorcio Gallego para el Reciclaje Químico de Textiles Postconsumo’

Ence Energía y Celulosa impulsa la creación del ‘Consorcio Gallego para el Reciclaje Químico de …