Narón acolle un faladoiro informativo sobre o Día Mundial do Corredor

A concelleira de Bibliotecas, Olga Ameneiro, anunciou unha das iniciativas que se desenvolverá a vindeira semana, concretamente o mércores día 5, na Biblioteca municipal, o faladoiro informativo sobre o Día Mundial do Corredor

A planta soto acollerá, a partir das 19:00 horas esta proposta, con cuxa efeméride se homenaxea aos millóns de corredores do mundo.

O Club Deportivo 21 Leguas colabora nesta proposta, de acceso libre ata completar a capacidade da sala. Integrantes do citado club deportivo participarán no faladoiro, abordando temas de interese para os corredores e corredoras de todos os niveis.

Hugo Piñeiro ofrecerá información sobre como correr en montaña e equipamento esencial para unha experiencia segura; Tamara López sobre a importancia de contar con especialistas deportivos para mellorar o rendemento e previr lesións e Manel Lorenzo, a partir da súa experiencia persoal, analizará perfís de corredores atendendo ás diferentes idades e niveis de experiencia.

Así mesmo, abordaranse os beneficios para a saúde de practicar este deporte.