Galicia Ártabra Digital Noticias de Ferrol y la comarca de Ferrolterra.
O Bloque Nacionalista Galego de Ferrol, cuestionou a decisión do goberno local «de dar de baixa o crédito orzamentario destinado a proxectos de mellora de infraestruturas da nosa cidade como son: a rehabilitación do mercado de Recimil, dotar ao barrio de Ultramar dun local social, a iluminación pública da zona rural e o tapón urbanístico da rúa Penas de Guitín».
«Todos estes proxectos levan moito tempo agardando para a súa execución e que incomprensibelmente a decisión do goberno local de Rey Varela é anulalos dando de baixa as partidas orzamentarias reservadas para estes fins».
O Bloque Nacionalista galego esixe ao alcalde desta cidade que «rectifique esta decisión que pretende adoptar na comisión informativa que se celebrará o vindeiro venres e instao a dar inicio aos expedientes de execución destes traballos o antes posíbel».
