Galicia Ártabra Digital Noticias de Ferrol y la comarca de Ferrolterra.
Un grupo de familias do CEIP Cruceiro de Canido entregou preto de 200 sinaturas no rexistro do Concello de Ferrol solicitando melloras nos comedores escolares
A través dun comunicado o CEIP expresa o seguinte «Os comedores escolares lévanse a través de unha subcontrata do Concello, un servizo que non é da a súa competencia, senón que debido que a Xunta de Galicia desatende aos centros é o Concello quen ten de facerse cargo»
«Demandamos un cambio de modelo do servizo de comedores. Queremos pasar dun modelo 42 km (41,5 km é a distancia entre Ferrol e Bergondo, onde se atopan as cociñas da empresa subcontratada) a un modelo km cero. É dicir, un servizo de proximidade tanto na elaboración como na procedencia e na merca dos alimentos.»
«Actualmente son constantes as queixas do alumnado sobre a comida (mala elaboración ou que non chega quente á mesa).» «Do mesmo xeito cremos insuficiente a ratio do persoal de atención nos comedores para o alumnado, xa que hai unha ratio de 1 monitorado por 18 de alumnado»
É por isto que «solicitamos que o Concello publique urxentemente un novo prego de condicións xa que os úlmos pregos a concurso saíron no 2017 ; que os pregos sexan debados no Consello Escolar Municipal ;que as condicións dos ditos pregos alenten a parcipación de empresas da comarca de Ferrolterra, cun criterio de responsabilidade social para co entorno apostando por unha verdadeira economía circular e que os menús se elaboren primando os produtos de tempada e locais e nunhas instalación de cociña na nosa cidade»
E por último «demandamos que aumente a rao de persoal de atención no comedor e que este sexa estable, independentemente do número de comensais, o que permiría eliminar o preaviso de 48 horas que impide a conciliación en caso de imprevistos e favorece a estabilidade laboral do dito persoal.»
O que fai o concello
Según datos facilitados polo concello de Ferrol, «Estase a rematar o prego para sacar a licitación o servizo de comedor escolar e faltan os trámites administrativos pertinentes para que se poida aprobar.
Neste momentos, ademáís, estanse a facer unhas xornadas de portas abertas para as familias dos alumnos e alumnas que empregan este servizo coñezan as súas instalacións e os menús que están establecidos diariamente».
