Galicia Ártabra Digital Noticias de Ferrol y la comarca de Ferrolterra.
O presidente da Deputación de A Coruña e alcalde de As Pontes, Valentín González Formoso, participou o domingo 28 na piscina municipal da localidade na entrega de premios do campionato galego de inverno de waterpolo, que se celebrou esta fin de semana o municipio pontés.
Formoso felicitou aos máis de cen partipantes, chegados de diferentes puntos de toda Galicia para participar nesta importante cita deportiva “que reúne aos mellores clubs e deportistas do waterpolo galego”.
O presidente destacou as preto de 800 entidades deportivas que reciben cada ano o apopio da Deputación para promocionar o deporte de base na provincia e que contribúen “a inculcar na mocidade a importancia da práctica deportiva para unha vida sana, así como a importancia dos valores que se asocian ao deporte, como o traballo en equipo e a capacidade de superación”.
“Desde a Deputación e desde o Concello das Pontes, o noso recoñecemento a cada club, a cada deportista, a cada un dos que contribúen cada día co seu traballo a situar ao deporte da provincia da Coruña á vangarda do deporte galego”, afirmou o presidente.
Pola súa banda, o presidente da Federación Galega de Natación, Juan Carlos Brión, agradeceu “o apoio e a hospitalidade do Concello das Pontes, que puxo á nosa disposición unhas instalacións magníficas”.
